ગુજરાત વિધાનસભાની ચૂંટણી 2022 માં પાંચ બેઠકો જીતીને આમ આદમી પાર્ટી રાષ્ટ્રીય પાર્ટી બની ગઈ છે. આવો જોઈએ કે આમ આદમી પાર્ટીને રાષ્ટ્રીય પાર્ટી તરીકે ઓળખવામાં આવે તો શું ફાયદો થશે.
રાષ્ટ્રીય પક્ષ બનવાથી શું ફાયદો થશે?
ગુજરાત વિધાનસભાની ચૂંટણી 2022 માં પાંચ બેઠકો જીતીને આમ આદમી પાર્ટી રાષ્ટ્રીય પાર્ટી બની ગઈ છે. જો કે ચૂંટણી પંચ દ્વારા હજુ ઔપચારિક જાહેરાત કરવાની બાકી છે. આવો જાણીએ કે આમ આદમી પાર્ટીને રાષ્ટ્રીય પક્ષની માન્યતા મળવાથી શું ફાયદો થશે અને ચૂંટણી પંચ તરફથી તેને શું છૂટ મળશે. તેમજ કઇ સુવિધાઓ મફતમાં મળશે.
ચૂંટણી પ્રતીક ઝાડુ કાયમી
આમ આદમી પાર્ટી (AAP)નું ચૂંટણી પ્રતીક ઝાડુ છે. હવે આ ચૂંટણી ચિન્હ આખા દેશમાં રહેશે. તે કોઈપણ રાજ્યમાં ચૂંટણી લડશે તો સાવરણી ચૂંટણી ચિન્હ અનામત, હવે તે અન્ય કોઈને ફાળવી શકાશે નહીં.
પાર્ટી અધ્યક્ષને સરકારી આવાસ મળશે
રાષ્ટ્રીય પાર્ટી બન્યા બાદ આમ આદમી પાર્ટીના રાષ્ટ્રીય અધ્યક્ષને સરકારી આવાસ મફતમાં મળશે. તેનો અર્થ એ છે કે અરવિંદ કેજરીવાલને હવે દિલ્હીમાં સરકારી આવાસ પણ મળશે, જો કે તેમની પાસે પહેલેથી જ એક આવાસ મુખ્યમંત્રી હોવાના લીધે છે.
પાર્ટી હેડક્વાર્ટર માટે સરકારી જમીન આપવામાં આવશે
રાષ્ટ્રીય પાર્ટીનો દરજ્જો મળ્યા બાદ આમ આદમી પાર્ટીને પાર્ટી હેડક્વાર્ટર બનાવવા માટે સરકારી જમીન મળશે. આ જમીન દેશની રાજધાનીમાં ઉપલબ્ધ છે. એટલે કે હવે AAPનું હેડક્વાર્ટર દિલ્હીમાં હશે અને તેને એવી સુવિધાઓ પણ મળશે જે ભાજપ કે કોંગ્રેસ અને અન્યને લાગુ પડે છે.
EVM માં ઉપર નામ હશે
હવે ઈવીએમ કે બેલેટ પેપર પર ઉમેદવારોની યાદીમાં આમ આદમી પાર્ટીના ઉમેદવારોના નામ સૌથી ઉપર હશે. રાષ્ટ્રીય પક્ષના ઉમેદવારોના નામ ઈવીએમમાં સૌથી ઉપર છે.
રેડિયો અને ટેલિવિઝન પર સંબોધન કરી શકશે
રાષ્ટ્રીય સ્તરની ચૂંટણીમાં આમ આદમી પાર્ટીના નેતાઓ રેડિયો અને ટીવી પર સામાન્ય લોકોને સંબોધિત કરી શકશે. આ માટે તેને રેડિયો ટેલિવિઝન પર સમય મળશે.
મતદાર યાદી મફતમાં ઉપલબ્ધ થશે
અત્યાર સુધી આમ આદમી પાર્ટીના નેતાઓને મતદાર યાદી મેળવવા માટે પૈસા ખર્ચવા પડતા હતા, પરંતુ હવે તે મફતમાં મળશે. AAP નેતાઓ હવે દેશના તમામ રાજ્યોમાં મફત મતદાર યાદી મેળવી શકશે.
0 ટિપ્પણીઓ