વોટ્સએપ તરફથી આવ્યા સારા સમાચાર. વોટ્સએપ ટુંક સમમયમાં બે નવા ફીચર્સ લાવે તેમ લાગી રહ્યું છે. આ જાણકારી WhatsApp Beta Info દ્વારા મળી આવી છે. એક ફીચરથી વીડિયો કોલ કરનારા યુઝર્સ માટે ખાસ છે, જ્યારે બીજું ફીચર વોઈસ મેસેજ રેકોર્ડ કરીને મોકલનારા યુઝર્સ માટે મદદરૂપ બનશે. બન્ને ફીચર વોટ્સએપના એન્ડ્રોઈડ બીટા એપ પર આવી ગયા છે. પરંતુ, દરેક યુઝર માટે તે ઉપલબ્ધ નથી.
આ ફીચરની મદદથી યુઝર્સ વીડિયો અને વોઈસ કોલ વચ્ચે સરળતાથી સ્વિચ કરી શકશે, અને તે પણ જે કોલ ચાલી રહ્યો છે તેને કટ કર્યા સિવાય. WhatsApp Beta infoના રિપોર્ટમાં કહેવામાં આવ્યું છે કે, આ ફીચરનું ઈન્ટરનલ ટેસ્ટિંગ ચાલી રહ્યું છે.
જો એક યુઝર સ્વિચ કરવા માંગે છે તો તેનો અર્થ એ નથી કે ડાઈરેક્ટ વોઈસ કોલથી વીડિયો કોલમાં ટ્રાન્સફર થઈ જશે. આના માટે કોલ પર હાજર બીજા યુઝરની પરમિશન લેવી જરૂરી છે.
ટોગલની મદદથી યુઝર લોક્ડ વોઈસ મેસેજ રેકોર્ડિંગ કરી શકશે. એટલે કે રેકોર્ડ કરતી વખતે તમારો હાથ ફ્રી થઈ જશે, તમારે કી પ્રેસ કરી રાખવાની જરૂર નહીં પડે.
ઘણાં યુઝર્સ એવા હોય છે જે લાંબી વાત કરવાની હોય તો વોઈસ મેસેજ મોકલે છે. એન્ડ્રોઈડ બીટા એપ પર જે ફીચરનું ટેસ્ટિંગ ચાલી રહ્યું છે, તે પ્રમાણે મેસેજ રેકોર્ડ શરૂ થાય તે પહેલા એક ટોગલ દેખાશે.
0 ટિપ્પણીઓ